كلمات قصيدة الوصية عمرو حسن

 

كلمات قصيدة يالحبيبة لعمرو حسن 

يا الحبيبة، مشتاق لك

وإذا فاكرة إن البعد بيفرق بتهيأ لك

في، في عيني مكان شبه اللمعة

إتحجر بعد ما كان دمعة

لا أنا عارف أقوله وأبوح للناس

ولا عارف أخبيه جوايا

لسه في عيني أجمل واحدة

لسه في قلبي أول واحدة وآخر واحدة

لسه في بعدك وأنا بين الناس حاسس وحدة

أصحابي لاموني

عشان حبيت واني اتعلقت

بيقولوا جراح بعدك هتطيب ومسافة وقت

عارفة المشكلة إيه في غيابك

إن أنا حابك أكثر دلوقت

بمشي على ازاز وجعك حافي

وبقول للناس إنه تعافي

move on وإني ب

حاضن سماعتي وتلفوني وصوت مزكتك

ومصاحب نوته وكوبايه وشوية بُن

أنا بكذب، كل اما بقول إني كويس وسليم

يومي مجرد يوم متكرر وسط الأيام

وكلامي عن الجاي من غيرك ده كلام في كلام

إنما عمري ما حسيت بسلام وبراحه بال غير على إيدك

ساعتي ما تمشيش غير لو كانت على مواعيدك

حوطت بظلك على داري ونسجت خيوط

وعرفت سكون وأنا وياكِ ما يعوضهوش في الدنيا بيوت

إديني اشارة انك سامعة وانا هفضل باقي على وعودي

إديني أمارة إنك راجعة وأنا هستناكِ لحد ما أموت

الشوق لا بإيدي ولا بإيدك ولا دخل الناس

والحب إرادة رب الحب اللي جمعنا وسط الأحداث

لا في حد بيختار الميلة ولا حجم الشيله ولا الإحساس

والعقل في أي علاقه مجرد مشرف عام

يكتب تقارير عن فشل القلب وعن أمل الناس في الأيام

إنما في الآخر تقريره لا بيعدل حال ولا يؤخذ بيه

القلب الآمر والناهي والحاكم في الشوق وفي لياليه

وأنا قلبي اللي دفعني لحُبِك دَفعة سبّاح هاوي في موجة

إداكي كاريزما وحسن حضور وإداني لجوء ليكي وحوجة

وصلابتي وجَلَدي وطول صبري مضغاهم بجمالك نوجة

وأنا مش شاعر وسط الهوجة

ولا جاي لي يومين وامشي لحالي

أنا شاعر له وزن وهيبة

وكلامه بيطلع في الغالي

فإذا قولت كلام يبقى أنا قاصده

وإذا قولت ملام يبقى أنا بعنيه

هنا مش درويش رهن قصايده

هنا في إنسان وإنت وحشتيه

أنا مُشتاق لِك، مُشتاق لِك

شوق السارح لرجوع باله

شوق متغرب وحشه عياله

فاقد شغفي ودفا انفاسي

فاقد رغبتي في البوح حتى

حاسس إني فقدت حواسي

بعد غياب الحاسة السادسة

وعشان أنساكي عملت جهود كل المفروض لأجل أنساكي

والشي اللي قدرت أوصل له إن أنا بتعافى وأنا معاكي

وده مش ذنبي

سبحانه اللي في سكتي جابك

واداکي قبول خلاكي النجم في أيامي وخلاني أطول

وإذا عايزة الشعر يلين ليكي وعايزاني أقول

إسمعي قولي

بيقول الشاعر يا حبيبتي

مش لاقي بنات بعدك غيرك ولا ليّ بلاد شبهك ثاني

يا الفعل الخارج من قلبي يا الكلمة الصادقة على لساني

كل ما تبعدي بيزيد قربك وشاريكي في عز ما سايباني

قولي اتحرك وانا أطير عندك قولي استني وهبقى مکاني

طيبي خاطري بكونك جنبي كملي ناقصي وشدي عيداني

الحزن في حضنك يرضيني والفرحة في بعدك وحشاني

والشعر اللي أنا كاتبه بحاله لولا ما جيتي لولا ما جاني

لو كان عاجبك شعري يا بختي وإذا مش عاجبك هكتبه ثاني

انا مشتاق لك وإذا فاكرة إن أنا لحظة نسيتك متهيألك

لسه في عيني والخ والخ

عندي استعداد افضل أحايلك إنشاء الله أسرق سطرين من الجخ

بس تعودي وبعدها عادي مهما تجيني صعاب محلولة

مدي إيديكي وخدي إيدي عشان اخرج من الدايرة المقفولة

أنا مشتاق لك

واذا فاكرة ان لحظة نسيتك متهيأ لك

لسه في عيني أجمل واحدة

لسه في قلبي أول واحدة وآخر واحدة

لسه في بعدك وأنا بين الناس حاسس وحدة

أنا مشتاق لك، أنا مشتاق لك، مشتاق لك

                  اضغط هنا للمشاهدة