كلمات قصيدة بطلتي توحشيني لعمرو حسن
ف الليل و الناس نيام
والكل ف حاله سارح
مر عليا الكلام مسنون و حزين و جارح
الست ساعتها غنت ف الراديو لسه فاكر
والنحله النايمة طلت لما صحيوا العساكر
وعساكر الليل دماغي ف خناق هيجيبو داغي
والشوق عمال يلاغي والقلب ضعيف ولكن
ف الليل و الناس نيام والكل ف حاله سارح
مر عليا الكلام مسنون و حزين و جارح
الست ساعتها غنت ف الراديو لسه فاكر
والنحله النايمة طلت لما صحيوا العساكر
وعساكر الليل دماغي ف خناق هيجيبو داغي
والشوق عمال يلاغي والقلب ضعيف ولكن
اكتب عن وصف ألمي ولا عن بعدك ناسي
ولا عن حب خدني وشغلني وهو ناسي
الصبح منامه فارقه خلاه هجر السراير
والقلب هيامه سارقه والعقل نشيط وفايق
انا لما كتبت شعري ووصفت الواحشه ليكي
رخصت بنفسي سعري أملاً شعري يراضيكي
ولقيت ولا شعري نافع ولا قلب البيت قاويكي
عمال ادفع وادافع عن حق الشخص فيكي
مش عارف اقول كرهتك مش عارف اقول ناسيكي
كملتك الف مره منقصتش إلا بيكي
النور شقشق وللالي والحاله تجر حاله
والهم اللي ف فؤادي واصل لله تعالى
هو العالم ب أمري وبفعلي طول سنيني
هو العالم ب قلبي كاتم ف الليل انيني
كان نفسي تحسي بيا كان غرضي تفهميني
تمحي الحزن اللي فيا تتراضي وتراضيني
وادي الحزن اللي خدتو الجرح اللي اعتمدتوا
بيقول قلبي ب إرادتو بطلتي توحشيني
انا ياما ساعيت في حبك وعملت ل بكره شادر
وانتي مع كل مره تيجي ذي اللوادر
بتهدي عليا املي وتحني بشكل عملي
كنتي بتجيبي اجلي ونا كنت تمام وحاضر
خبطتي فتحت بابي عمري م قفلتو مرة
جرحك فوق استعابي والموجة تملي حاره
والعمر فوهمه عدي والعده تجر عده
آله جاهزة ومُعدة علشان تقتل عتابي
انا جاي م الشعب عادي وانتي بنت الاكابر
ساكنه قرب المعادي ساكن قرب المقابر
حولت الغلطة فيكي وعملتي عليا حاكم
بقيت عايش لوحدي مترمي ف المحاكم
الغلطة تملي عندي الجرح تملي ليا
عايش ف الشوق بلاكم بضرب وبتيجي فيا
العمر بيجري قطرو والشطر يجر شطرو
وشتايا ف عيني ومطرو ولا واحد حس بيا
انا من ساعه ميلادي ونا بحكي القصه ديه
هو كان حب هي مبقاش حابب وديني
بطلتي توحشيني من اول حد قالي اني موهوم وغافل
ولاخر شخص مالي لاقني عنيد وقافل
ونا ماسك طوب رجايا وبدور طحن ف رحايا
واتاري الشوق عصايا والضرب شديد و حافل
كان عقلي يقول غيتوني والقلب يقول تمهل
الدمع يصيب عيوني والخد يقول مؤهل
كنت ارفع ظني فيكي وامسح بالحب تحتو
قبلك عور براحتو قلبك خبط براحتو
ونا كنت وحيد وحاير بين قطم الشيئ ونحتو
الزرع ده اه فلاحتو والباب ده انا اه فتحتو
مش بس قبلت قلبك وكمان برأت ساحتو
انا ف العالم بحالو مافي واحد حب قدي
عشمان ف سلام مؤجل عشمان ف حنين مصدي
الكلمه سخيفة عدي المركب شارده هدى
الدنيا ضبابي لندن وشايفها سويسرا وردي
ملكتك نص ارضى جرفتي سنين ف طيني
بطلتي توحشيني
الحب يعز صاحبو الحب يزيد مقامو
ويبان ف عنيه وصامتو وفشكله ونوع سلامو
ويبان على كل حركة ويكون فعل وكلامو
ونتي لو جاي منك كان بان ف سنين مابينا
الزين ينهض ويمشي والشين يعرف مقامو
انا نادر باقي عمري للي هتصوني بعدك
عمري م خلفت وعدي وعمرك م وافيتي واعدك
بكرا يقابلني خلي ونتي هتموتي وحدك
ونا ببدأ صفحة بيضة صفحة واسعه وعريضة
مشتاق ل حياه جديدة ولبنت تصون هوايا
كان لازم اعيش عزابك علشان اعمل بداية
وادي ختام الحكاية مريت مريتي مرو
سنوات عمري اللي كرو
عمر الاشوق ما سرو فاروا الاوجاع وفروا
وضاروا الاحباب وضرو وباروا ساعة ما برو
وعيروا بهموم وعرو وغاروا ساعة ما غروا
وأحلى الاحساس امره وأوفى الاحساس اشره
وأبرد احساس احره جارو وببطئ جرو
ونزفوا الدمعات وخروا واليوم صحيوا واستقرو
فخلعتك من روتيني بطلتي توحشيني
للمشاهدة اضغط هنا
تعليقات
إرسال تعليق