كلمات قصيدة _قصيدة مكتبهاش نزار _لعمرو حسن
كلمة بحبك
كلمة بحبك في ذاتها اختبار مش سهل
دي كلمة صعبة وعصية وجاية ب العافية
كلمة وراها بيوت وحنين وتر مكبوت وعيال بتشبهلنا ف الصورة قبل الصوت
وراها شك وشوق وعناد ملوش آخر
وراها صبر وخوف وكلام عبيط ساخر
كلمة قصادها الألم بيلين ويتاخر وتلاقي نفسك ف لحظة وسط عزوة واهل
والأمر ده مش سهل
مش سهل اجيلك اقولك كلمة و اسحبها
اناااااا سيرة مش ولا بُد
وتاريخ غلط وصواب
راجل حزين و اتساب اكتر م ساب بكتير
فقد الامل ب الألم ولقاكي بانلة ضمير
فإن كنتي هترضية عداكي عيب و اتنين
وإن كنتي هتطاوعية تاخدي السواب سوابين
وإن كنتي هتضمية وتكوني ام وأب هيكون عشانك سكن وحاجات كتير تتحب
راجل ف وقت الضيق
وصديق م بعد صديق
وطريق إذا مشتيه هتلاقي فيه نفسك
الشعر مبيديش إلا اللي حب وداب
ونا طفل م بياديش إلا احضنك ف غياب
اقصد تجاهك باب وألقاكي مش قفلاه
عايزك ومش عاوز غير ضحكتين لله
جايلك بقول ي حياه وبقول تكوني الجي
نظرة عنيكي نجاه ودليل بإن انا حي
والاعمي سر عماه إهمال وجود الضي
ف اذاي عنيا تضل إذا حان وبان ضيك
بسأل على نفسي ف بقولك ازيك
كان نعمة من ربنا زيك يفوت من هنا
ياللي انتي مش زينا ازي لقيت زيك
وازاي بحبك
ساعة م شوفتك لا كنتي حباني
ولا كنتي حابة تشوفي هزاري وجناني
ولا كنتي عايزاني
تشوفيني ماشي ف طريق تمشي ف طريق تاني
فجأة بدون أسباب لقيتني بمشيلك
ولقيتني بحكيلك كل اللي محكتهوش
ولقيتني بأمنلك
ولقيتني بقى منك
أو حد من ناسك
ونا يعني مش ناسك ف الحب ولا قديس
انا صوفي مش ماسك إلا فهدوم ابليس
ف انا يعني مش ولا بُد
وتاريخي مش هو
لاكني والله كما طفل من جوة
بيبان شديد ك الحجر ويبان ف طبعة عنيف
وفلحظة يقلب مطر وتلاقي روحه رصيف
عيل ف اصلة نضيف
محتاج شوية شغل
وهمتك وياه أو
أو صلحيه وخديه
على قد م تساعديه وتحطي أملك فيه
على قد م هتلاقيه بينقي اخطائة
في حد جايلك هنا واقف ب اوراقه
ف اديه كتاب ربنا و قلبه أجزاءه
بيحلفك ب الأمل وبفرصة مأخدهاش
تنسيله زنب اتعمل بجريمة معملهاش
وتكوني ستر وغطا وكفوف تضم بود
تكوني اول بر أرسى عليه و مخافش
انا عندي هنا كفين ولازلت مبسقفش
طاوعيني من فضلك
انا جاي افضفضلك
وجاي اقولك طالب وجودي فبيت يكون بيتك
وجاي اقولك بأني لما حبيتك
حبيتني فيكي ولقيتني اب شاف بنته
وبقيتي كفه وعنيه وأصحابه وسفينته
فنا يعني مش هكدب ولا هحكي اي خيال
بكرا هنتجوز وهيبقي بينا عيال
ويجوز هيتغير شكلك وتفاصيلك
ونا بردو هتغير
هبان كده قصير وتخين بنضارة
والاقي نفسي بطلع همي ف سجارة
وبلعن الايام وبقول م كنت جميل
ويجوز تعاقبيني وتشيليني غسيل
ومفيش معايا ضمان عيالنا يبقو جُمال
لو يعني جبنا عيال
ومفيش معايا جبال من وهم ابيعهولك
لاكن ف قلبي كلام محتاج اقولهولك
انا جاي بحلفلك إن انتي ماليه العين
واني مشيت جيتلك معرفش رايح فين
واني بحبك وناوي ابقى بطل الفلم
ارجوكي لا تزعلي من شخص شافك طب
وقوليلي هل تقبلي ابنك يكونلك اب
تعليقات
إرسال تعليق