كلمات قصيدة حبيتك ليه لعمرو حسن
انا عندي إيمان أن كلامهم صح ومظبوط
اني ونا بعيد عنك ميت
واني ونا ف قربك مش مبسوط
بيني وبينك مسافات ابعد من أي اتنين
كل اختياراتي اللي بدونك أفضل بكتير
لاكن
من امتى الحب بيبقى علاج
من امتى بياخد م الفايض يدي المحتاج
من بين اربعه مليار واحدة اختارتك
حبيتك وكمان قدرتك والكلمة اللي بتخرج منك أجمل من أي كلام مسموع
اشبع لو شفتك يوم صدفة وإذا غبتي ليالي بموت م الجوع
قصر الموضوع انك لعنه
وان انا ملعون
وان وجودك على قد ما طيب مش مضمون
وان مكاسبي معاكي مجرد تمهيد لبعادك وخسارتي
ساعه م الناس أمنت بيا انتي كفرتي
وبدال ماتكوني أمان م الناس ومكان يفضالي ويسمعني
قررتي تكوني زياده خوف ودراعي اللي تملي واجعني
وبقيتي العين اللي بتخدعني وتبص طشاش
انا يعاقب ليه على حبك دي حاجه الواحد مخترهاش
ملعون ابو قلبي اللي ندالك واختار من دنيتو وادالك ملعون تركيزي ف تفاصيلك والظن اللي بيجي ف بالك
ملعونة شوارع بتفكر
ملعونة صوابع بتسكر ملعونة الروح اللي تبكر وتقوم م النوم تحلم بيكي
اقتلك ازاي
افصلك ازاي عن خطواتي وظني وشكلي
حبيتك ليه وانتي مشاكلي وضربتي ف الضهر
اديتك كل اللي يسبب فرحك سبتيلي اللي يحسس بالقهر
حبيتك ليه
وبشوفك مصدر أحلامي وفرحتي على ايه
ومصدق ليه انك دنيا
ويفكر ليه ف دخولي عليكي في بيت واحد
انا اكبر أحلامي وجودك
والنبي شوفتي غباء في غبائي
انا اكبر أحلامي افتح عيني على حضورك
ياخي ابوه ده الحب اللي يخلي حضورك كل امالي
انا زينة الناس
عم الرجاله ف عين الكل
أجمل ستات ف الدنيا اتمنو سلام بالايد
زيك خمسين مره احتارو يخشولي منين
على ايه بلاقيكي انتي جميعهم
اشتري فيكي يوماتي وابيعهم وافردلك قلبي تعدي عليه
حبيتك ليه
ليكي حق تزيدي عليا دلال وتحسي بروحك فايقة جمال وتزيدي ف غلطك 100 مره
مش مضطرة صحيح تراضيني مش مضطرة
ولا مضطرة تقدمي كرامات للي ف قلبك
الغلطة على التايه جوايا عشان حبك
ويفوق
يهلك
اه يا قلبي يا كلب يا شاري سراب
ومضيع ف قلوب تستهلك
حبيتك ليه
حبيتك ليه
تعليقات
إرسال تعليق