كلمات قصيدة طلاق لعمرو حسن
قولتلها احكي
قالت حبيت
كنت مراهنه عليه بحياتي شايفاه الرايح والأتي
كنت بقول لليعارضوا ف حجات حلوه وطيبه برضوا
يقولولي إنما مش مضطره
تستاهلي اليصونك اكتر منوا بمليون مره
وان جه ف بالك أننا ظالمينوا اسالي بره واعرفي سيرتوا
وانا كنت بقول أن انا شايفاه اكتر منهم
حتي بقلقوا وصمتوا وغيرتوا
حتي بطبعو الصلب القاسي شايفاه ناسي
حباه بعيوبه وقبلاها
ف حته منوره مش باينه إنما شايفاها
وهيتغير لو قابل واحده تكون بيتوا
اه حبيتوا
والعقل ملهوش ف الحب نصيب
كان مالي عنيا بشكل غريب
ومسكت أيده ومشيت وبدأت
قولت المايل نعدلوا بالوقت
قولت المكسور يتصلح حب وحنيه
كنت بجيب الغلطه عليا
كنت مصوبه ي امو عنيا
كنت مرتبه عمري بحالوا لعنيه ولوقتو واشغالوا
كنت ف دنيا ملوش فيها صحاب الصحبه الحلوه البقيالوا
انما
قالت إنما بعدها سكتت وافتكرت حاجه انا معرفهاش
قولتلها احكي
قالت:مرعاش
ولا شئ من الانا عملاه حاسو
اول ما وصلو اني بحبوا ف شئ مسوا
اول ما ضمني اتغير من الناحيه التانيه
اتقلبت احولو الاولي الي احوال تانيه
ف ظرف مفيش ظهر الدريتوا عن العالم
كل اللي عملتو اني مشوفتوش بأن ف طباعو
وعنيه البنولي غزالو صبحوا طباعوا
وبدال ما أصبح تاج ع راسو خلاني الخاتم ف صباعو
لا حوار بيتم بينا بود ولا ضحكه بتطلع بسهوله
وبقيت مش عارفه اوصل آخرو ولا اردو ع الحاله الأولي وبقيت بسكت واسرح لساعات
وبقيت مش فاكره
اهتماماتي انهي اهتمامات
شكلي اتغير
خلقي مع الوقت بقا قصير
وصحابي الجبرني انساهم مش لاقياهم
والله بقيت مستنيه يشكر فيا
قولت إذا ضحكلي وخد حسي هضحكك واطمن وانسالو
كنت بدور ع حاجه بسيطه احسبهالو
انما ده البحر ودي نهايتو
ومفيش ف الحب حجات بالغصب
وبعدين البحر ازاي بالوقت هيصبح عذب
سكتت حبه كأنها غابت
ولاقيت ف عنيها كلام جواها ومش قايلاه
قولتلها احكي
قالت:كرهااه
ابقي مع الخوف والموت حتي إنما مقبلش اني ابقي معاه
انا اخر نور ف حياتي لحقتو كان هيضيع
ازاي كان قلبي كئيب وحزين
انا كنت بصلح ايه وفمين
وان كنت هصلح حاجة اتنين عشرين خمسين
إنما واحد مفهوش شئ حلو اتعلق بيه
ايه المفروض يتصلح فيه
صوتو العالي
شكو الدايم
وزعيقو اذا قاعد او قايم
وشو المقلوب وقتو الضايع
ودنو اللي بتسمع كل العالم إلا كلامي
طب انا لو صلحت عيوبو عمري اللي هطيعو وياه يرجعلي ازاي
شكلي اللي اتغير
قلبي اللي اتألم يرجعلي منين قلبي الفرحان
او مين يضمنلي مسائل تانيه ماليها ضمان
ده انا ريحتو بقيت بقلق منها
اسمو على موبايلي بقى يكركب كل مشاعري
الاوكره اللي بيفتحها ب ايده
بتبانلي عقارب صمت بتمشي ف ساعه شك
وزعيقو مدافع على أرض ملاها الخوف والداك
سكتت فجأه ودموعها انسحبت من عينها وسالت شلال
كانت بتعيط من جواها على الكلمه اللي بتتقال
بصيت كأني بكلم شجره فجئها خريف ف بدايه العمر
والكحل ستاير فحم بتنزل من منجم علوي
وايديها الرعشه اللي مصاحبه أرامل خايفين من بطش الذكرى ومن وحده تشرين
سبتها تبكي بعدين هديت
شربت حبه ميه من الكاس اللي ع الطربيزه
لمعت عينها شفايفها ابتسمو بشكل بسيط
ابتدت التجاعيد تتقفل ويعود جلدها أنعم بكتير وابتدت الدمعات ع الخد تهل
قلبي اطمن
قولت اكيد ف شئ جواها ارتاح
واكيد افتكرت شئ وياه ممكن يغفرلو ويشفعلوا
قولتلها احكي
قالت:لو اخر راجل ف العالم مش هرجعلو.......
تعليقات
إرسال تعليق